ANTI-WEB.COM

¿TIERRA DE NADIE?

Mathieu Kleyebe Abonnenc / Maria Thereza Alves / Vasco Araújo / José Arnaud-Bello / Amy Balkin /Abraham Cruzvillegas / Jimmie Durham / Andrea Geyer (Simon J. Ortizekin) / Ana María Millán / Olivia Plender. Komisarioa: Catalina Lozano

¿Tierra de nadie? (Inorena ez al da lurra?) erakusketa bat da, lurraren jabetze-prozesu konplexuak eta herri-erresistentzia moduak aztertzen ditu, sistema ekonomiko eta politiko baten oinarri gisa (kapitalismo liberala) jabetza pribatuaren logikaren eta zatikatutako harreman sozialen logikaren oinarrizko kritika bilduz. Ingalaterrako Erdi Aroko garaietako erabilera komunaleko lurren itxiturak, lurralde zabalen jabekuntzako egungo estrategia berriak, usurpazio koloniala… lurraren jabetza eta erabilera berdintasunik gabe negoziatu izan da jabe txikien borrokaren eta metaketaren artean, pribatizazioaren eta erabilera partekatuaren artean.

Aurrez aurre jarritako prozesu horiek, jabekuntza koloniala eta kapitalista alde batetik, eta herri-eskaera bestetik, ez dira aurkaritza sinple bat; hainbat diziplina erabilita, ¿Tierra de nadie? lanean aurkeztutako artisten ikerketa-ildoek ikerketa akademikoaz besteko dimentsioak lortzen dituzte. Ondorioak aurkezteaz gain, hemen sartutako lanak gai dira adarkatzeak, konplexutasunak eta paradoxak erakusteko, galderak egiteko eta, batez ere, istorio partikularrak argitzeko. Gaiaren azterketa geografiko eta historiko zehatza egiteaz harago, ¿Tierra de nadie? lanaren asmoa, praktika artistikoaren bidez, gogoeta-plataforma bat sortzea da, bertatik beti gatazkan egon izan den historia ekonomikoaren arlo bat nabarmentzeko, baita orain ere, mundu mailako finantza-sistemen dinamika birtualek jabekuntzaren eta lurraren erabileraren oinarrizko gaia eklipsatzen duela dirudienean.

Erakusketako lanak, hainbat estrategiaren bidez, kasu partikularrak aztertzen dituzte eta elkarren artean askotariko loturak sortzen dituzte garai eta leku ugariren bidez. Erabilera komunaleko lurraren pribatizazioa eta nekazarien proletariotzearekin hasi (Olivia Plender), eta erabilera partekatua ezartzeko egungo estrategiara arte (Amy Balkin), lurraren gaia hainbat ikuspegitatik lantzen da: kolonializazioa eta askotariko garaietako liberazio-borrokak (Mathieu Kleyebe Abonnenc, Maria Thereza Alves, Andrea Geyer, Ana María Millán), lurraren egungo erabilerak eta haiek zilegi egiten dituzten diskurtsoak (Jimmie Durham), erresistentzia eta okupazio mugimendu herrikoiak (Abraham Cruzvillegas) eta lurra bizileku hartu baino gehiago pasatu egiten den bizimoduak, ia ezinezkoak gaur egun (José Arnaud-Bello, Vasco Araújo).

Erakusketan landutako gaiak osatzeko eta hedatzeko, dokumentazio-eremu bat antolatu da; bertan, kasu batzuk sakonago azter daitezke. Era berean, bi eguneko ikastaro bat egitea aurrez ikusi da; bertan, diziplina ugarietatik gai horiek landu dituzten artista, historialari eta zinemagileek parte hartuko dute.

PARKETT BILDUMAREN ARTELANAK

NEXT: PRESENTACIONES/AURKEZPENAK

MIENTRAS HAY VIDA…

Irantzu Lekue.

INSTANTANÉITÉ

Amaia Gracia & Inés Bermejo

Komikigintzako autoediziora lehen hurbilketa, ikuspegirik berrienetik, argitalpen digitalak eta era guztietako “Do it yourself” (zeuk egin ezazu) prozesuak barne. AlhóndigaKomik Jardunaldien parte da, komikia eta autoedizioa uztartuta baitaude. Euren lanak argitaratzen dituzten pertsona eta taldeen topaketa eta erakusketa gunea izango da Autoeditatuak ekimena. Ekimen horren barruan, K.O Komik Online Lehiaketaren deialdia dugu, profesionalei nahiz afizionatuei irekia. Hautatutako lanak azokak iraun bitartean erakutsiko dira.

ANTI-k BAT, BI, HIRU KOMAGATAren erakusketa aurkezten du

Beste bultzada bat Liburutegiari, hiritarrek kulturarekiko topa-gune gisa erabil eta goza dezaten.
Talde-praktika, partaidetza sustatzen duena, indartzea. Ez da lan samurra. ANTI- liburudendaren lankidetza eskatu da horretarako, kultura garaikidearen sorkuntzan eta hedakuntzan baitihardu 2005az geroztik.

Katsumi Komagata
Diseinu grafikoaren munduan 25 urte baino gehiago daramatza eta bere herriko sortzailerik garrantzitsuenetako bat dugu Katsumi Komagata. Haurtxo eta umeentzat garatu dituen ikusmen-estimulaziorako hainbat liburu argitaratu ditu 1990az geroztik, eta edade guztietakoentzat gertatu dira Komagataren lanak erakargarri, beren “ikuste-poetika” medio; hitzak baino harago doazen istorioak kontatzen dituzte koloreak, argiak, itzalak, forma zabalgarriak eta egiturak erabilita. Itsuentzako ukipen-liburuak ere sortu ditu.

Hainbat dira lan horiei esker Komagatak irabazi dituen sariak, Boloniako Umeentzako Liburuen Nazioarteko Azokak 2000. urtean emandakoa eta Tokioko umeentzako Kyushu ospitalean haurrekin egindako lanari esker eskuratu zuen 2006ko Tokyo Design Award delakoa besteak beste.

Haurtxoentzako “Little eyes” liburu-saila diseinatzean, ume txikien jakin-mina suspertu nahia ez ezik, gurasoen eta seme-alaben arteko elkarreragina piztu gura ere izan zuen bultzatzaile. Balio beza erakusketa honek egiteko horietan murgildu diren guraso guztiei zuzendutako omenaldi gisa.

“Alaba zaharrenak, txikitxoa zenean, oso harreman estua zeukan amarekin; ni, ordea, ez ninduen ezagutzen. Hiru hilabete zituela niri erreparatzen hasi zenean, begiak mugi zitzan saiatu nintzen, karta bat erabilita. Ordutik aurrera sentitu nuen gure arteko harremanari ekin geniola. Hitzen bidez komunikatzerik ez bageneukan ere, komunikaziorako beste bide bat aurkitu genuen, eta atsegin gertatu zitzaidan berarentzako liburuak eginez joatea hazten zen neurrian. Harrezkero, txikienei zuzendutako lanak egiteko interes handia daukat”.

Zuri-beltzezko jolasek eta sorpresek ematen diote hasiera bildumari. Ondoren koloreak datoz, eta konplexutasuna gero eta handiagoa da, figuraziora iritsi arte. Zentzumenen esperientzia guztietatik igarotzen da (hitzak, irudiak, egiturak eta formak), adinen arabera egokituta eta pedagogia-azterlanetan oinarrituta dagoen ustekabeko esperientzia dimentsioaniztuna garatuz. Aitak alabarekin izaniko esperientzia du, hala ere, diseinuak abiapuntu nagusi:

“Umeentzako liburuak ekoizten direnean, oso gauza “maitagarriak” egiten saiatzen dira gehienak, “liluragarriak” izatea bilatuz. Hori ondo dago baina, batzuetan, niretzat, “umeei” zuzenduegi daude. Gauza txikiak, xumeak, eskaintzen badizkiegu, irudimena erabiltzen utziko diegu, bidea emanez beraiek pentsa dezaten. Gauza asko erakusten badiegu, ordea, ez dute inoiz pentsatuko, arreta guztia beharko baitute erakusten diegun guztiari erreparatu ahal izateko. Beraientzat ezaguna denetik abiatu eta gauza xumeak erakusten dizkiegunean, honela galdetuko diote beren buruari: Zer gertatuko ote da orain? Zer ote da hau? Galdera horiei erantzutea, jarrera hori sustatzea, irudimen mota hori, horixe da umeari eskaini nahi diodana. Eta elkarrizketa, inguruko nagusiekiko trukea. Zentzu horretan, gauzari xumeenak bihurtuko dira sortzaileenak”.

Erakusketa

“Les Trois Ourses” Elkarteak diseinatu zuen Amorebietan ikusgai izango den erakusketa, eta Italian, Frantzian eta Portugalen barrena izan da. Hiru Hartz Emeen elkartea 1988an sortu zuten bibliotekari batzuek. Umeentzat lan egiten duten artistei laguntzen diete, aurkitu ezinak diren liburuen zabalkuntza egiten dute eta erakusketak imajinatu eta diseinatzen dituzte. Horrezaz gain, pertsonak prestatu eta animatzen dituzte liburuen munduan murgil daitezen.Urte asko dira Bruno Munariren ondarea hedatzen hasi zirela, eta Marion Batailleren ABCD ekoizpenaren (Espainian Kokinos-ek argitaratua) atzean daude gaur egun.Amorebieta-Etxanoko Liburutegian Komagataren lanetako asko izango dira eskuartean erabiltzeko moduan.