ANTI-WEB.COM

“Nahiz eta garai batean hain distiratsua izan distira,
gaur nire begientzako betirako ezkutatuta egon,
nahiz eta ezerk ezin duen itzularazi belarraren
distira, loreen aintza,
ez dugu atsekabetu behar, aurkituko baitugu
indarra oroimenean”.
[Hilezkortasunaren imitazioak, William Wordsworth]

Elia Kazan zinegile madarikatuak eta William Inge gidoilariak “Esplendor en la hierba” (Splendor in the grass, 1961) filma sortu dute poeta ingelesaren olerki zati bati buruz. 1975. urtean, Andrei Tarkovsky-k Zérkalo (Mirror) bosgarren filma grabatu zuen: “Ezin dut jasan nire ama egunen batean hil egingo dela pentsatzea. Determinismo horren aurka errebelatu nahi dut eta bera hilezkorra dela oihukatu”.

Fikziozko pertsonaiak, pertsonaia publikoak eta anonimoak; hurbilekotzat hartzen ditugun heriotzak eta birtualki urruntzen garen hurbileko desagertzeak; prozesu organikoen pantailaratzeak. Bideoinstalazioaren eta found footage-aren artean, ikus-entzunezko materialarekiko eta erreprodukzio-formatuekiko lotura emozionala, iluntze-iraungipenaren mediatizazioak.
M.L.

Montehermoso, Gasteiz.

Supradome-k, arkitekturan eta naturaren ikuspegi idilikoan sakontzeaz gain, 70eko hamarkadako memoria ikonikoen nostalgian sakontzen du, jarrera malenkoniatsua eta aldi berean ironikoa agertuz; ausazko kolore-orbanak eta arkitekturaren geometriaren bidez markatutako formak gainjarriz, subjektu garaikidearen testuinguru arrotzaren metafora marraztuz…

Eraikuntza prismatikoen irudiak eta malenkoniarekin eta idealismo geometrikoarekin dituzten konexio historikoen irudiaz baliatuz, batasunezko eta memoria kolektiboaren, erreferentzien galeraren eta gatazken arteko gainezarpenezko unibertsoa eraikitzen da: natura/kultura, arrazionaltasuna/espiritualtasuna, kaosa/geometria, fikzioa edo errealitatea… Irudikapenaren disoluzioa, kokapen ideologiko moduan, asmo ironikoarekin nahasten da arkitekturaren suntsiketaz boterearen espazio sinbolikotzat eta naturaz azken mugatzat hitz egitean.
H.O.

Montehermoso, Gasteiz.

Komikigintzako autoediziora lehen hurbilketa, ikuspegirik berrienetik, argitalpen digitalak eta era guztietako “Do it yourself” (zeuk egin ezazu) prozesuak barne. AlhóndigaKomik Jardunaldien parte da, komikia eta autoedizioa uztartuta baitaude. Euren lanak argitaratzen dituzten pertsona eta taldeen topaketa eta erakusketa gunea izango da Autoeditatuak ekimena. Ekimen horren barruan, K.O Komik Online Lehiaketaren deialdia dugu, profesionalei nahiz afizionatuei irekia. Hautatutako lanak azokak iraun bitartean erakutsiko dira.